عرفت ان لما اكتب اللي عايزة اعمله نسبة كبيرة منه بتتحقق عشان كدة انا بكتب ان انا اقسم بالله العظيم اني اعمل كل اللي ف وسعي عشان اخلي مصر ف 2020 من احسن 10 دول بالعالم
- هنتوسع اكتر ف الصحرا و نستصلحها و نعمل مشروعات من احسن المشروعات ف العالم
- فرص الشغل اللي عندنا هتبقى اكتر من البطالة
- الرقعة الزراعية هتبقى اكبر و هنبطل نبور الاراضي الزراعية
- الصادرات هتبيقى اكبر من الواردات و مش هيبقى فيه عجز ف الميزانية
- احنا اللي هنبعت المعونات لاكتر من دولة ف العالم
- مش هيبقى فيه اطفال شوارع .. هنقضي عالظاهرة دي لحد متوصل 0.5%
- مش هيبقى فه زحمة و كل واحد هيمشي ف حارته و مش هيبقى فيه فهلوة ف السواقة
- كل المصريين اللي برة هيرجعو و لما يرجعو هيلحفو انهم مش هيسافرو تاني يضيعو مجهودهم ف بلد مش بلدهم
- كل واحد ف المصالح الحكومية مش هيبقى بياخد رشوة و هيقوم الصبح الشغل سعيد و مبسوط
- مش هيبقى فيه عشوائيات
- كل عقول الشباب هتبقى نضيفة و كلها مهتمة ازاي نخلي بلدنا احسن و احسن
- احنا اللي هنصدر القمح لامريكا
- معظم الشعب هيبقى مثقف و هيبقى عارف واجباته قبل حقوقه
- هناخد كاس العالم 2022 اللي ف قطر
- جمهور الزمالك و الاتحاد و الاسماعيلي هييجي يشجع الاهلي لو هو ف بطولة افريقيا للاندية
- بينك فلويد هيستعينو بهاني عادل معاهم ف اغنية
- تامر حسني هيقفل قميصه و هيبقى احسن مطرب ف العالم من غير ميبقى تعبان و مش قادر
- العيال الشيبحة اللي ف الشارع هيبقو من احسن الناس اللي موجودين و هنستفيد منهم ف مصر
- اللي بيتحرش بأي بنت هيفكر قبل ميعمل كدة مليون مرة
انت و انا و كلنا لازم نقسم اننا نعمل كل اللي ف ايدينا عشان نبني بلدنا .. نبني مصر 2020
No comments:
Post a Comment